Ezkerraren aukera Zarautzen

Zarauzko Berdintasun Zinegotziak, Ezker Batua-ren Mariana Aranburuk pasa den ostiralean iragarri zuen Sailak hainbat bilera antolatu dituela, denak herritarren parte-hartzeari irekiak, herriko emakume eta gizonen Berdintasunerako II. Plana zehazteko asmoarekin. Bilerak irailean eta urrian izango dira eta bilera bakoitzean arlo jakin bat landuko da: kultura, kirola, hirigintza, etab. Modu honetan, Plana arloz arlo zehaztuko da. Bilera hauetan egungo egoerari buruzko datuak azalduko dira (2008ko diagnostikoan jasotakoak) eta galdera nagusiak mahai gaineratuko dira, datozen 5 urteotarako ekintzak parte-hartzaile guztien artean zehazteko.
Erantzun beharreko galderak ez dira gutxi eta, horregatik, galdera guztien erantzunak denen artean adostea lortu nahi da: Zer egin liteke herriko kultur-guneetan emakume nahiz gizonek protagonismo bera izan dezaten? Zer egin kirolean berdintasuna bultzatzeko? Nola heziko ditugu neska-mutilak berdintasunean? Zer egin liteke hirigintzan emakume nahiz gizonen eguneroko beharrak aintzat hartzeko? Osasunari eta ongizateari dagokionez, zer hobetu beharko litzateke emakumeen beharrei eta espektatibei erantzuteko? Eta bukatzeko, zer nolako ekintzak egin beharko lirateke lan arloan aukera-berdintasuna bultzatzeko?
Berdintasun Saila sortu denetik hamaika ekintza garatu dira herrian. Biolentzia sexista jasan duten emakumeen harretarako zerbitzuak sortu dira, hezkuntza-arloan gazteenei bideratutako ekintzak egin dira, eta beste hainbat kontu, besteak beste, Emakumea Pilotari. Formazioarekin lotutako ekintzak ere garatu dira, zinegotzi eta udal-langileek berdintasunari buruzko trebakuntza jaso dute, esaterako.
Elhuyar Aholkularitzaren laguntza teknikoarekin landuko den bigarren plan honekin lehenagotik martxan zeuden ekintzak indartu nahi dira eta, era berean, ekintza berriekin osatu, berdintasuna herriko arlo eta txoko guztietara iris dadin.
Bileretan interesa duen herritar orok parte hartu ahal izango du. Jarraian dituzue bilera-egunak, orduak eta lekuak

OSASUNA:Nola hobetuko zenituzke osasun zerbitzuak, neska eta emakumeen beharrei egoki erantzun diezaien?
Irailaren 15a, asteartea 19:00 Berdintasun Saileko bulegoa (Zuberoa kalea 22, behea, atzealdea)

HIRIGINTZA, GARRAIOA ETA INGURUMENA: Zer egin liteke emakume eta gizonen eguneroko beharrak aintzat hartzeko? Irailaren 22a, asteartea 19:00 Berdintasun Saileko bulegoa

KULTURA: Nola bultza liteke herriko kultur-guneetan emakume eta gizonek protagonismo-maila bera izan dezaten? Irailaren 24a, osteguna 19:00 Berdintasun Saileko bulegoa

KIROLA: Zer egin kirolean berdintasuna bultzatzeko? Irailaren 28a, astelehena 19:00 Berdintasun Saileko bulegoa

LANA ETA ENPLEGUA: Zer egin liteke lan arloan aukera-berdintasuna bultzatzeko? Urriaren 1a, osteguna 15:00 Berdintasun Saileko bulegoa

HEZKUNTZA: Zer egin liteke berdintasunean hezteko? Urriaren 5a, astelehena 12:00 Berdintasun Saileko bulegoa

GIZARTE ZERBITZUAK:Nola erantzun emakume nahiz gizonen behar eta espektatibei modu egokian? Urriaren 8a, osteguna 19:00 Berdintasun Saileko bulegoa

El sabado fue asesinada en Irun por su ex marido Yasmin Rodriguez, la segunda víctima de la violencia sexista en 2009 en Euskadi. Como acordamos en el Pleno en la declaración institucional aprobada con motivo del día internacional contra la violencia de genero, la Junta de Portavoces del Ayuntamiento de Zarautz aprobó por unanimidad un comunicado de condena de este nuevo asesinato

Zarauzko Udaleko Bozeramaileen batzordeak bere salaketa eta gaitzespen irmoenak adierazi nahi ditu, Irunen maiatzaren 9an, bere bikotekideak eraildako emakumearen heriotzaren aurrean; eta horrekin batera gure elkartasuna eta doluminak bidali nahi dizkiegu bere familiartekoei eta lagun guztiei.

Ezker Batuaren zinegotzia Mariana Aranburu, Berdintasuna Departamentuaren buru da, eta Departamentu honek berdintasun diagnostikoaren txostena kaleratu du.

Txostena irakurtzera animatu nahi zaituztegu, datu interesgarriak jasotzen ditu eta. Oro har, emandako datuetan argi ikus daiteke Zarauzko emakumeak egoera ahulagoan daudela.

Esparru publikoko lanetan aurrerapausoak eman diren arren, etxeko esparru pribatuan oraindik ere lan karga nagusia emakumeen gain dagoela argi ikus daiteke.

Beno, animatu eta irakurri! Web orrian aurki dezakezue: hemen klikatu

Lana:
-Jarduera tasa. Emakumeak %63,8 eta gizonezkoak %85,6.
-Okupazio tasa. Emakumeak %61,2 eta gizonezkoak %85,4.
-Lan mota. Emakumeen lana zerbitzuetara mugatuta dago hein handi batean (%92,2). Beheko eta maila ertaineko postuetan jarduten dute, batik bat.
-Soldata. Desberdintasun adierazgarriak daude gizonezkoek eta emakumezkoek kobratzen dutenaren artean; azken hauek dira gutxien kobratzen dutenak. 800 eurotik behera kobratzen duten pertsonen %72 emakumezkoak dira eta 1.500 euro kobratzen dutenen artean %34,9 soilik dira.
-Etxeko lanak. Batez beste, emakumek egunean 2 ordu gehiago ematen dituzte etxeko lanak egiten. Tradizionalki emakumeek egin izan ohi dituzten lanetan, ardura oraindik ere beraien esku gelditzen da hein handi batean: haurren eta mendekotasuna duten adinekoen zaintza, sukaldean aritzea, garbiketak...

Gizarteratzea eta pobrezia:

-Laguntzak. Emakumeak dira normalean gizarte laguntzen titular moduan agertzen direnak. Dena den, oso perfil zehatza duten gero eta gizonezko gehiago dago.
-Bazterketa. Gizarte bazterketa pairatzeko arriskua sortu dezaketen faktoreek gehiago eragiten diete emakumeei (soldata baxuak, lan baldintza txarrak).
-Guraso bakarreko familiak. Laguntzak jasotzen dituzten guraso bakarreko familia guztiek emakumea dute familiako buru, %100ean.
-Etorkinak. Oinarrizko errenta jasotzen duten emakumeen artean %26,6 dira etorkinak eta gizarte larrialdietako laguntzetan %34.
-Adinekoak. 65 urtetik gorako pertsonei dagokienez, gizarte laguntza jasotzen duten herritarretatik %92 emakumeak dira; horietatik %80 bakarrik bizi dira. Bestalde, adinekoen artean gizarte laguntzak jasotzen dituztenen artean %71 dira emakumezkoak, eta horietatik %80 bakarrik bizi dira.

Indarkeria:

Udalaren esanetan, «oraindik emakumeen aurkako indarkeria kasuak ezkutatzeko joera dago», baina zenbait datu esanguratsu identifikatu dituzte.
-Lekukoak. Zarauzko biztanleriaren ehuneko esanguratsu bat (ia %10a), emakumeen kontrako indarkeria motaren baten lekuko izan da noizbait.
-Eraso zehatzak. Zarauzko emakumeen %2,5 jazarpenaren biktima izan da; %3,3k eraso motaren bat sufritu du; %3,7k nahi ez zituen ukituak jasan behar izan ditu eta %5,3k, berriz, izaera sexista duten irainak entzun behar izan ditu.
-Gazteenak. 16 eta 25 urte arteko emakumeen artean %4,1 izan da jazarpen motaren baten biktima eta %7,1k nahi ez zituen ukituak jasan behar izan ditu.

Kultura eta kirola:

Nahiz eta badirudien emakumeak direla kultura zerbitzuen erabiltzaile nagusiak, oso kontuan izan behar da generoaren arabera ekintzak ezberdindu egiten direla.
-Oztopoak. Emakumeen %9,2k eta gizonen %8,5k dioenez, etxeko eta zainketa lanak oztopo dira aisialdiko ekintzetan parte hartzeko.
-Programazioa. Kultur programazioari dagokionez, emakume gutxi agertzen da artista moduan eta errekonozimendua ere eskasa da.
]Kirola. Emakumeen %70k eta gizonen %79k egiten du kirola. Baina desberdintasunak daude bi taldeek aukeratzen dituzten kirol ekintzen artean.

Hezkuntza:

-Ikasleak. Formazioaren aukeraketa generoak baldintzatzen du. Batxilergoan neska gehiago dago (%56 dira). Lanbide Heziketan, industria mailako ikasketetan, emakumeen presentzia %8tik behera -Erantzukizuna. Eskola eremuko erantzukizunak emakumeen eskuetan daude. Amek gehiago hartzen dute parte haurren jarraipena egiterakoan.
-Eskola kontseiluak. Gurasoen ordezkari moduan emakumeak %72 dira, eta irakasleen gehiengoa ere emakumea da.
-Hezkidetza. Hezkidetza lantzeko ekimenak egiten dituzte ikastetxeetan, baina jarduera zehatzak izaten dira, ez direlako modu sistematikoan egiten.

Osasungintza:

-Zaintza lanak. Osasunari dagokion zaintza lanekin arduratzerakoan, emakumezkoak dira gehiengoa. Ondorioz, emakumeek beraien bizi kalitateaz eta aisialdiaz gozatzeko arazoak izaten dituzte.
-Emaitza. Osasun zerbitzuetako gogobetetze mailari dagokionez, emakumeek kexa gehiago azaldu dute. Zerbitzua eskasa dela esan du emakumeen %24,6ak eta gizonezkoen %17,9ak.
-Norbere diagnostikoa. Emakumezkoen %64,9k esan du bere osasun egoera ona edo oso onadela; gizonezkoen artean gehiago izan dira erantzun hori eman dutenak, %67,2 hain zuzen ere

Hirigintza:

Sinbologia eta kale izendegia aztertuta, esparru publikoan emakumeek duten presentzia neurtu dute.
-Eskulturak. Herrian 35 eskultura daude. Horietatik seik gizonezkoen irudiak dituzte edo gizonezkoei eskainitako lanak dira. Ez dago emakumezkoei eskainitako lan bat bera ere.
-Kaleak. Herrian 33 kale daude herriko zein kanpoko gizon ospetsuen izenekin. Emakumeei eskainitako kale bakarra dago. Maria Eizagirre emaginari eskainitakoa da (Maria Etxetxiki kalea) eta herriaren amaieran dago, Itsas Mendi inguruan.
-Puntu beltzak. Biztanlegoaren ia %10ak (emakumeen %9,1ak eta gizonezkoen %8,5ak) udalerrian ziurtasun eza edo beldurra sortzen duten lekuak daudela adierazi dute.
Kultura eta kirola:

Nahiz eta badirudien emakumeak direla kultura zerbitzuen erabiltzaile nagusiak, oso kontuan izan behar da generoaren arabera ekintzak ezberdindu egiten direla.
-Oztopoak. Emakumeen %9,2k eta gizonen %8,5k dioenez, etxeko eta zainketa lanak oztopo dira aisialdiko ekintzetan parte hartzeko.
-Programazioa. Kultur programazioari dagokionez, emakume gutxi agertzen da artista moduan eta errekonozimendua ere eskasa da.
]Kirola. Emakumeen %70k eta gizonen %79k egiten du kirola. Baina desberdintasunak daude bi taldeek aukeratzen dituzten kirol ekintzen artean.

Gizarte partaidetza:

-Elkartegintza. Emakumeek elkarteetan duten parte-hartzea gizonezkoena baino txikiagoa da eta batez ere artera, gizarte ekintzara eta jaietara mugatzen da.
-Bazkideak. Elkarteetan bazkideen %30 emakumezkoak dira.
-Lehendakariak. Herriko elkarteetako lehendakarien artean %86 gizonezkoak dira.
-Udala. Nahiz eta zinegotzien artean parekidetasuna izan, «generoak eragindako banaketa ematen da eta emakumeek tradizionalki femeninotzat jo diren eremuetan aritzen dira». Erantzukizuna duten organoetako buru gizonak dira.

La Junta de Portavoces del Ayuntamiento de Zarautz condenamos y manifiestamos nuestra máxima repulsa ante el brutal asesinato de una mujer a manos de su pareja y las graves heridas ocasionadas a su hija, ocurrido el día 23 de marzo en Gernika y queremos transmitir nuestra solidaridad y condolencia a sus familiares y amigos/as.

Asimismo, queremos expresar nuestra solidaridad y total apoyo a todas las víctimas que sufren maltrato y revindicamos para todas ellas el derecho a una vida sin violencia.

De igual manera queremos reafirmar nuestro compromiso firme de seguir trabajando para la erradicación de la violencia de género y para la concienciación de la sociedad, a la que instamos a denunciar todos los casos que ocurran, para acabar con este problema social.

De igual manera, solicitamos a los poderes judiciales y policiales una aplicación rigurosa de la Ley contra la violencia de Género.

También queremos mostrar nuestra adhesión al acuerdo interinstitucional que incluye el Procedimiento de actuación ante muertes por maltrato doméstico y agresiones sexuales de mayo de 2003 para la mejora en la atención a mujeres víctimas de maltrato en el ámbito doméstico y de violencia sexual.

Consideramos que la situación de violencia que viven las mujeres es consecuencia del papel de subordinación y discriminación que sufren en esta sociedad, por lo que es fundamental fomentar los valores de igualdad entre hombres y mujeres empezando por la educación hasta la autonomía de las propias mujeres en todos los aspectos tanto laboral como personal y proteger a las víctimas de malos tratos para atajar cualquier expresión de violencia machista.

Por último, queremos animar a toda la ciudadanía a que muestre públicamente su compromiso a favor de la igualdad de mujeres y hombres y en contra la de violencia machista, cuya erradicación requiere de la implicación de toda la sociedad en su conjunto.

Zarauzko Udaleko Bozeramaileen batzordeak bere salaketa eta gaitzespen irmoenak adierazi nahi ditu, Gernikan martxoaren 23an, bere bikotekideak eraildako emakumearen heriotzaren aurrean eta alabari eragindako zauri larrien aurrean; eta horrekin batera gure elkartasuna eta doluminak bidali nahi dizkiegu bere familiartekoei eta lagun guztiei.

Era berean, gure solidaritatea eta babes osoa eskaini nahi dizkiegu tratu txarrak jasaten dituzten biktima guztiei, eta indarkeriarik gabe bizitzeko eskubidea aldarrikatzen dugu guztiontzat.

Gainera genero indarkeria behingoz bukatzeko lanean jarraitzeko konpromiso sendoa berretsi nahi dugu. Bestalde, gizartea ere kontzientziatu eta jendeari eskatzen diogu, gertatzen diren kasu guztiak salatu ditzala, guztion artean arazo sozial honekin bukatu ahal izateko.

Jendeari ez ezik, botere judizialei eta polizialei ere eskatzen diegu, Genero Indarkeriaren aurkako Legea zorrotz bete dezatela.

Horrez gain, erakunde arteko hitzarmenarekiko gure atxikimendua ere adierazi nahi dugu; bertan jasotzen da Etxean jasandako tratu txarrek edo eraso sexualek eragindako heriotzen aurrean jarduteko prozedura, 2003ko maiatzekoa; prozedura horren xedea da, etxean jasandako tratu txarren eta sexu indarkeriaren biktima diren emakumeei eskaini beharreko arreta hobetzea.

Uste dugu emakumeek bizi duten indarkeria egoera, gizarte honetan jasaten duten menpekotasun eta diskriminazio paperaren ondoriozkoa dela, beraz, behar-beharrezkoa dela berdintasun baloreak sustatzea gizonen eta emakumeen artean. Heziketarekin hasi behar da, emakumeek gai guztietan, bai lanean bai maila pertsonalean, autonomia lor dezaten, eta, aldi berean, tratu txarren biktimak babestu behar dira, azken finean indarkeria matxista oro desagertu arte.

Azkenik, herritar guztiak animatu nahi ditugu beren konpromisoa adieraz dezaten emakumeen eta gizonen berdintasunaren alde eta indarkeria matxistaren aurka. Izan ere, hori desagertzea nahi badugu, beharrezkoa izango da gizarte osoaren inplikazioa.

Atzo Mariana Aranburuk, Ezker Batuaren zinegotzia eta Berdintasuna Departamentuaren arduradunak, Zarauzko I Berdintasun Planaren diagnosia aurkeztu zuen, hurrengoan daukazue UK 4 Urola Kostako Telebistan agertutako aurkezpenari buruzko erreportaia

Berdintasun diagnosia
Cargado por uk4media